Mae Clocs Canton yn grŵp dawns Forys Gogledd Orllewin (ffurf nodweddiadol ar ddawnsio Morys, sy’n defnyddio clocsiau) wedi’i leoli yng Nghaerdydd. ‘Rydym yn perfformio mewn amryw o ddigwyddiadau – ffeiriau, gwyliau ac mewn tafarndai o gwmpas Caerdydd ac ymhellach oddi cartref.
Lliwiau Cymru, sef coch, gwyn a gwyrdd yw lliwiau’n dillad dawnsio ac ‘rydym yn defnyddio garlantau a baneri bach o liwiau melyn a gwyrdd i gynrychioli’r daffodil a’r genhinen. Mae ein band o gerddorion yn chwarae ffidlau, melodionau, gitâr ac offer taro. Mae croeso i gerddorion newydd ymuno â ni.
Ar bob cyfrif, cysylltwch â ni os oes diddordeb gyda chi mewn cymryd rhan – ‘rydym wastad yn croesawu dawnswyr newydd, p’un ai ‘rydych yn brofiadol neu beidio! Mae’r dawnsiau yn weddol hawdd i’w dysgu (wir!) ac hefyd mae’n ffordd hwylus o gadw’n heini.
Os ‘dych chi’n trefnu digwyddiad gallwn ddod â thipyn o liw iddo – ‘dyn ni’n hoff iawn o ddifyrru torf ac yn hoffi cynnwys y gynulleidfa yn ein perfformiad.